Gjatë ditës së nesërme vijon dominimi i kthjellimeve në territor deri pasdite vonë kur sipas Meteoalb, vranësirat shfaqen në Veri dhe gradualisht në mbrëmje dhe gjatë natës, vranësirat shtohen në gjithë territorin.
Sot dhe nesër (dt.2) nuk priten reshje në të gjithë territorin, sipas Institutit të Gjeoshkencave, Energjisë, Ujit dhe Mjedisit.
Temperaturat
Gjatë ditës së nesërme temperaturat ekstreme të ajrit pritet të luhaten:
– Në bregdet: Temperaturat minimale do të zbresin deri në 5 °C, ndërsa ato maksimale do të ngjiten deri në 17 °C.
– Në vendet e ulta: Përkatësisht 3/15°C,.
– Në vendet malore: Përkatësisht -2/11°C.
Era pritet të fryjë e lehtë deri mesatare në zonat bregdetare.
