Një ngjarje e rëndë ka ndodhur në qytetin e Korçës ditën e djeshme ku është përdhunuar një 20-vjeçare.
Sipas të dhënave zyrtare është vënë në pranga 24-vjeçari David P. Ka qenë vajza 20-vjeçare që e ka denoncuar të riun për përdhunim. Ajo ka deklaruar në polici se David P. ka hyrë në banesën e saj me forcë dhe ka kryer me të marrëdhënie seksuale me dhunë.
Policia i ka vënë prangat menjëherë 24-vjeçarit, ndërkohë që vajza i është nënshtruar kontrollit mjekësor.
Policia e Korçës ka referuar materialet në Prokurorinë e Rrethit Gjyqësor Korçë për veprën penale “Marrëdhënie seksuale me dhunë me të rritura”.
