Gjykata Kushtetuese ka zhvilluar sot paradite seancën për shqyrtimin e padisë së Unionit dhe Shoqatës së Gjyqtarëve ndaj 3 ligjeve të Reformës në Drejtësi. Gjykatësit kanë kundërshtuar ligjin “Për organet e qeverisjes së sistemit të drejtësisë”, ligji “Për statusin e gjyqtarëve dhe prokurorëve”, si dhe ligji “Për rivlerësimin kalimtar të gjyqtarëve dhe prokurorëve në Republikën e Shqipërisë” – i njohur si ligji i Vettingut se sipas tyre, cenon statusin dhe të drejtat e gjyqtarëve.
Shfuqizimi i disa neneve, sipas tyre, do të sillte një moscënim të statusit të gjyqtarëve dhe të drejtave për shkak të detyrës që kryejnë.
