Kryeministri i Kosovës Ramush Haradinaj e ka vlerësuar mjaft marrëveshjen me qeverinë e Shqipërisë për kalimin e lirë në kufi, njohjen e ndërsjellë të diplomave, tregun rajonal etj.
Në konferencën e përbashkët për shtyp me kreun e qeverisë shqiptare, Edi Ramën, Haradinaj tha:
“Jemi të gëzuar që rrugën tonë drejt BE-së ne do ta bëjmë sëbashku. Populli i Kosovës ka treguar respekt për të gjitha komunitetet që jetojnë në Kosovë dhe ne duam ta zgjerojmë këtë respekt me fqinjët tanë.
Ne e përcjellim Tiranën, qeverinë, Kryeministrin dhe këtë pritje që iu bë sot popullit të Kosovës me pritjen, me respektin, me vendimet për kalimin kufitar si në vendet e BE-së, për doganën, për ekuvalentimin e diplomave.
Ne e mirëpresim mbledhjen e përbashkët të dy qeverive ën Kosovë dhe ju përgëzoj për idenë tuaj, Vitin e Skëndërbeut dhe veprimet që përmirësojnë jetën e shqiptarëve kudo që jetojnë.”