Policia e Durrësit ka nisur procedimin penal për 21-vjeçarin me inicialet F. M., banues në qytetin bregdetar.
Mësohet se i riu, në lagjen numër 4, duke drejtuar kamionin tip “Fiat” është përplasur me autobusin tip “Benz” me drejtues A. K., 47 vjeç, banues në Durrës, me leje drejtimi.
Si pasojë e përplasjes kanë marrë dëmtime pasagjeret e autobusit, M. T., e L. S., vjeç 48 e 67, banuese në Durrës, të cilat pas mjekimit në spital, janë larguar në banesa.
