Deputetja e LSI-së Monika Kryemadhi ka zgjedhur Elbasanin, zonën ku u zgjodh parlamentare për të kaluar festën e Kurban Bajramit.
E shoqëruar nga deputeti Edmond Haxhinasto, Kryemadhi ka zhvilluar një takim me drejtues të Myftinisë Elbasan, ku nuk ka munguar edhe një mëngjes i bollshëm me ëmbëlsira të shumta ashtu siç është tradita për këtë festë të besimtarëve myslimanë.
Myftinia e Elbasanit ka pasur vizitorë në këtë ditë të shënuar edhe përfaqësues të komuniteteve të tjera fetare.