Në këtë periudhë, kur vëmendja maksimale e studentëve të rinj është tek regjistrimi në universitete, Rektori i UT, Mynyr Koni, ka vendosur të japë shpjegime para medias për të gjithë të interesuarit, të rinj dhe prindër.
Konferenca për shtyp do të mbahet në orën 12:30 në ambjentet e Rektoratit të Universitetit te Tiranës, ku Prof. Dr. Koni do të flasë lidhur me procesin e pranimeve dhe regjistrimeve në ciklin e parë të studimeve në Universitetin e Tiranës.
Po ashtu, pas tij, shpjegime do të japë në një konferencë më vete, edhe Zv.ministri i MAS, Gert Janaqi, në orën 13:00, për pranimet në universitet.
