Një qytetar që bënte vrap buzë detit në plazhin e vjetër në Vlorë është sulmuar nga tre persona të panjohur që i kanë ngulur thikën në brinjë. Denoncimin e bëri vetë viktima e sulmit, K.D. 38 vjeç, në Sallën operative. Ai deklaroi se nuk i njihte dhe se personat në fjalë u konfliktuan me të për arsye banale.
Policia e Vlorës njoftoi se po vazhdon hetimet për dokumentimin e plotë të ngjarjes dhe për identifikimin e kapjen e autorëve.
