Nëse keni bërë plan që të niseni për plazh ditën e nesërme, bëni mirë që më parë të shihni se çfarë surprizash ka rezervuar moti për ju.
Sipas Meteoalb, ditën e nesërme moti do të vijojë të jetë i kthjellët në gjithë territorin deri në orët e pasdites kur priten vranësira kalimtare në zonat malore lindore ndërsa bregdeti dhe zonat e ulëta mbeten me kthjellime dhe vranësira të lehta.
Temperaturat e ajrit nuk do të pësojnë ndryshime gjatë mëngjesit por një rritje të lehte pritet në orët e mesditës duke bërë që në rang territori minimumi të shënoje 15-16°C ndërsa maksimumi të ngjitet në 36-37°C.
