Policia e Tiranës ka nisur kërkimet për një vajzë të re, banuese në Sharrë pasi prej ditësh rezulton e zhdukur.
Denoncimin në polici e ka bërë halla e saj, e cila kërkon ndihmën e uniformave blu për gjetjen e së mbesës. Gruaja me inicialet B.T., 38 vjeç, është paraqitur në polici ditën e djeshme, duke denoncuar se mbesa M.T., 22 vjeçe është zhdukur pa lënë gjurmë.
Dhe pavarësisht kërkimeve tek të afërmit apo shoqet e saj, 22-vjeçarja nuk dihet se ku është, e ndërsa policia tashmë ka nisur kërkimet për gjetjen e saj. Materialet u referuan në Prokurorinë e Rrethit Gjyqësor Tiranë.
