Majlinda Bregu e ka quajtur një ditë të vajtueshme momentin ku ndodhet Partia Demokratike. Ajo doli nga mbledhja e Kryesisë së PD ku u diskutua për kandidaturat për kreun e PD.
“Kemi nxituar për t’i vënë kapak kësaj humbje. Unë po e përsërit, vazhdoj të them që ky është një gabim i rëndë. Sot PD vazhdon lojën luftash si dikur, një lojë që po i përçan demokrattë dhe nuk po i bashkon. Po rendim gati për të vënë gjoba. Në fund fare ata që humbasin janë demokratët. Nuk mund të bëj dot më shumë se sa kaq. Por nuk mund të mos them, sot është ditë e vajtueshme për PD. Por e nesërmja do të jetë fatkeqësisht akoma më e vajtueshme”, tha Majlinda Bregu për gazetarët.
