Ndonëse ka 4 vjet që pushteti nuk është më i qeverisë së udhëhequr nga ish-kryeministri Sali Berisha, sërish janë projektet e kontraktuara gjatë asaj qeverisje.
Në një raport të fundit të publikua nga Banka e Shqipërisë, nga tremujori i dytë i vitit 2016 deri në tremujorin e parë të vitit 2017, Shqipëria ka tërhequr 994.3 milionë euro investime, por ndryshe nga sa qeveria Rama e trumbeton si sukses të saj, rreth 70% e këtyre investimeve vijnë nga projektet e nënshkruara nga qeveria paraardhëse, shkruan hashtag.al
Thënë ndryshe janë 691.3 milionë euro që vijnë nga gazsjellësi TAP dhe Kaskada e Devollit, dy projekte këto të qeverisë Berisha.
Por poashtu pak ditë më parë drejtoresha e INSTAT, Delina Ibrahimi, deklaroi se “aktiviteti i ndërtimit pati rritje me 14.06%, i ndikuar nga investimet publike dhe investimet private të lidhura me projektin TAP”. Përkthyer në një gjuhë më të kuptueshme, kjo do të thotë se jo vetëm investimet e huaja, por edhe rritja e ekonomisë vjen si rezultat po nga projektete e qeverisë paraardhëse.
