Ish-ministri i drejtësisë Ylli Manjani ka ritheksuar edhe një herë fakte nga kushtetuta se përse fjalët e hapura në media apo deklaratat e lëshuara pa fakte përsa i përket presidentit të ri të zgjedhur Ilir Meta.
Ditën e djeshme Manjani publikoi disa nga nenet ku shkruhet qartë se Ilir Meta mbetet presidenti i Shqipërisë dhe funksioni i tij merret mq 24 korrik.
Po sot në media qarkulluan replika ku e kundërshtonin Manjanin dhe mbronin idenë e mosgrumbullimit të Kuvendid i cili do të sillte edhe mos dekretimin e Presidentit.
Ish-ministri ju ështq përgjigjur edhe njëherq këtyre zërave.
Postimi i plotë:
Lexova disa komente, disa prej të cilave më citonin dhe mua, për çështjen e Presidentit të Zgjedhur.
Pa dashur të komentoj mbi komentet dhe mendimet e tyre, theksoj se:
1. Ilir Meta është President i zgjedhur tashmë. Na vjen mirë apo na vjen keq, Ai është President i Republikës.
2. Presidenti i zgjedhur e fillon detyrën pas betimit në Kuvend. Për këtë qëllim, Presidenti aktual i Republikës ka thirrë Kuvendin ne seancë të jashtëzakonshme më datë 24 Korrik 2017.
3. Deputetët e Kuvendit aktual duhet të paraqiten në këtë seancë, në kryerje të detyrës së tyre kushtetuese.
4. Opsioni i mosbërjes së betimit sepse asnje deputet nuk do paraqitet në Kuvend, është i pamundur. Disa deputetë sa për të kryer këtë formalitet do jenë aty, është e sigurtë!
5.Meta mund të mos bëhet President vetëm nëse me vullnetin e tij jep dorëheqje! Kuvendi nuk e bllokon dot bërjen e betimit! Është vetëm një akt formal.
Të tjerat janë teori boshe, pa vlerë e pa kuptim! Presidenti që zgjidhet vetëm shkarkohet nuk ndalohet dot të betohet për të filluar detyrën.
Kjo është Kushtetuta e Republikës,ligjet dhe Rregullorja e Kuvendit!
Me komentet personale të militantëve, që nuk kanë lidhje me Kushtetutë e ligje, nuk kam ndërmend të merrem!
