Rreth 60 minuta pas vrasjes së ish-pronarit të fabrikës së tullave në Vorë, policia e Tiranës ka bërë të mundur arrestimin e një prej autorëve të dyshuar të ngjarjes.
Rreth orës 10:00, në një lokal pranës stadiumit “Selman Stermasi”, dy persona kanë qëlluar me armë zjarri ndaj Tefik Hykës.
Ky i fundit mësohet se ndodhej në lokal në shoqërinë e një femre.
Autorët e ngjarjes kanë qëlluar në drejtim të tij, duke i shkaktuar vdekjen e menjëhershme me një plumb në kokë, e më pas janë larguar me motor.
Sakaq, uniformat blu janë vënë ndjekje të tyre, dhe kanë bërë të mundur ndalimin e njërit prej tyre, si dhe kanë sekuestruar motorin e përdorur nga autorët.
