Kryeministri Edi Rama prej disa javësh ka nisur takimet elektorale në zonat të ndryshme të vendit, në kërkim të asaj që ai e quan sigurimin e 71 mandateve që do t’i japin të drejtën Partisë Socialiste të qeverisë e vetme, apo sikundër është shprehur duke mos mbajtur njeri në prehër.
Në takimet e zhvilluara Rama po përpiqet të shfaqet sa më popullor, duke zhvilluar takime të zgjeruara, por edhe duke u shfaqur në tryeza, apo duke zhvilluar takime që paraqiten si të rastësishme me grupe të vogla qytetarësh.
Të gjitha kanë vetëm një funksion, maksimalizimi i votës për Partinë Socialiste, pavarësisht formës që përdoret, apo mënyrës sesi tentohet të fitohet vota.
Debati
Rama: Unë që sot e di kujd do ja japësh votën ti, po nuk ta them
I moshuari: Ku e di?
Rama: Po nuk ta them, jo nuk ma jep ti mua votën
I moshuari: Po kush të tha?
Rama: Ta them unë, por …
I moshuari: Ta jap besën që ta jap
Rama: Po mos më verë në pozitë mua…hajde ma jep besën (i zgjat dorën) E shef, nuk ma jep…e pe besën?! Hajde do ma japësh votën
I moshuari: Po
Rama: Hajde të të puth një çikë, ta mora votën…