Përmes një statusi në ‘Facebook’ kryeministri Edi Rama i është përgjigjur letrës që i ka dërguar Partia Demokratike, ku i kërkon të pranojë pa kushte propozimet e paketës ‘McAllister+’ të prezantuar si zgjidhje për zgjidhjen e ngërçit polik nga zyrtari amerikan Hoyt Yee.
Kryeministri i ka sugjeruar Bashës të mos flasë në emër të SHBA-së, por të fokusohet tek oferta që ka në tryezë. Pikërisht një komentues i shkruan Ramës se çfarë ofertë ka ai në tryezë. Por në përgjigjen e tij që indirekt i drejtohet edhe liderit të opozitës, Rama shkruan se parimi themelor i negociatave duhet të jetë konfidencialiteti dhe jo mediatizimi.
Komentuesi: Cfare ka ne tryeze thuaje.
Replika e Ramës: Ka radhe puna Labi, tjeter pune se pala tjeter nuk njeh as rregullin themelor te negociatave, qe eshte konfidencialiteti jo mediatizimi sipas qejfit per te penguar rezultatin e tyre? Aq me teper qe ne kete mes jane miqte e medhenj te Shqiperise, qe meritojne respekt e jo t’i perfshijme ne thashetheme mediatike! Do te ta them cfare ka ne tryeze por me pare duhet pritur qendrimi i pales tjeter.
