Ka ardhur edhe urimi i parë nga jashtë Shqipërisë për Ilir Metën, pas zgjedhjes si President i Shqipërisë.
Është kreu i AAK-së dhe ish-kryeministri i Kosovës, Ramush Haradinaj që ka uruar Metën, si miq të afërt që janë.
Ja çfarë shkruan Haradinaj:
I dashur Ilir,
Urimet më të mira për zgjedhjen tuaj President i Republikës së Shqipërisë! Jam i bindur se Ju do të punoni me përkushtim në zhvillimin dhe avansimin e Shqipërisë si dhe në mbrojtjen e interesave shtetërore, por edhe kombëtare të shqiptarëve kudo që janë.
Mbetem me shpresë poashtu se zgjedhja e Juaj, do të kontribuojë edhe në forcimin e marrëdhënieve ndërmjet Kosovës dhe Shqipërisë!
Poashtu shpreh mirënjohjen time për punën e shkëlqyer të Presidentit Nishani!
