80 bimë kanabis të gjetura në një parcelë në Ballsh kanë sjellë arrestimin e dy personave.
Në pranga është vënë Inspektori i Policisë Pyjore në Bashkinë Ballsh, Meçan Mustaj, 49 vjeç. Mustaj, banues në fshatin Drenovë, akuzohet për kultivimin e 80 bimëve kanabis.
Në pranga është vënë dhe kryeplaku i fshatit Drenovë, Niko Nure, 41 vjeç i cili akuzohet për moskallëzim krimi.
Arrestimet e u kryen, pasi në bazë të Planveprimit për parandalimin e veprimtarisë së kultivimit të bimëve narkotike, gjatë kontrollit të territorit, në fshatin Drenovë, në vendin e quajtur “Bregu i Gushës” në një parcelë në pyll u gjetën të kultivuara 80 bimë kanabis, bëjnë me dije sot burime zyrtare nga policia.
Materialet për rastin i kaluan Prokurorisë pranë Gjykatës së Shkallës së Parë Fier për veprat penale “Kultivimi i bimëve narkotike” dhe “Shpërdorimi i detyrës” në ngarkim të shtetasit Meçan Mustaj dhe për veprën penale “Moskallëzim i krimit” në ngarkim të shtetasit Niko Nure.