Njeriu që ngriti dronin në Beograd me flamurin e Shqipërisë së madhe, Ismail Morina i njohur me emrin Ballist Morina ka rënë sërish në pranga dhe është lënë i lirë brenda pak orësh. Por këtë herë jo në Shqipëri, por në Itali.
Siç shkruajnë mediat italiane, Ballist Morina rezident në Milano është ndaluar në Genova, sepse ishte duke drejtuar një dron të sofistikuar.
Morina është kapur në Monte Fasce, në Genova në një makinë, ku kishte edhe pajisjet e dronit.
Në Itali droni është i ndaluar të përdoret në disa zona të caktuara si dhe jashtë orarit të përcaktuar, ashtu siç ishte duke bërë Ballist Morina.
