Kryetari i Partisë Demokratike, Lulzim Basha ka zgjedhur që këtë fillim jave ta nis me një takim me ambasadorin amerikan Donald Lu dhe paraardhësin e këtij të fundit, Aleksandër Arvizu.
Gazeta standard.al online ka mundur të sigurojë foto pas takimit mes tyre.
Fotografi/ HAMZA HATIKA
Mësohet se takimi mes tre zyrtarëve u zhvillua për rreth 1 orë e 30 në selinë e Partisë Demokratike. Në fokus të takimit ka qenë lufta kundër kanabisit, por nuk përjashtohen dhe zhvillimet politike në vend. Në fund të takimit të dyja palët kanë vendosur të mos komentojnë takimin para mediave.
Ndërkohë, më herët Lu i ka bërë thirrje Bashës që të ndërpresë bojkotin dhe opozita të kthehet në Kuvend që t’i hapet rrugë dhe zbatimit të reformës në drejtësi. Ky takim vjen pas darkës që zhvilloi mbrëmë kryeministri Edi Rama dhe aleati i tij në qeveri, Ilir Meta, ndërsa në fokus është e ‘fati’ i koalicionit PS-LSI.
Fotografi/ HAMZA HATIKA
Sakaq, opozita prej 18 shkurtit është hedhur në protestë, ku kërkon largimin e Ramës dhe krijimin e qeverisë teknike.
Fotografi/ HAMZA HATIKA
