Vazhdon me të njëjtin ritëm protesta e opozitës në çadrën përpara Kryeministrisë.
Sot në ditën e saj të 42 është rikthyer nga Malta ku u zhvillua Kongresi i PPE, kreu i PD Lulzim Basha.
Basha në takimin e sotëm në “Çadrën e Lirisë” tha se në Maltë mori pjesë në takimin e Partisë Popullore Europiane ka marrë mbështetje për protestën.
“Asgjë nuk do të ndryshojë për sa kohë që krimi është në pushtet. Me këtë lëvizje madhështore popullore do të hapim një derë të re. Do e çlirojmë Shqipërinë nga zgjedha e krimit me zgjedhje të lira e të ndershme. Kjo është luftë për jetë a vdekje, do zgjedhim një Shqipëri evropiane apo Shqipëri të bërë zap nga krimi. Çdo kriminel do largohet nga funksionet publike para se në këtë vend të ketë zgjedhje”, tha Basha.
Gjithashtu me tonalitet të firtë Basha tha: “Dua t’ju them se nuk ka asnjë shans që ne të pranojmë një qeveri teknike kukull, sepse këtu jemi në protestë për fatin e shqiptarëve të ndershëm dhe jo për pushtetin tonë. Kjo nuk është shfaqje, nuk është teatër, por luftë dhëmb për dhemb me krimin ne politikë dhe në këtë betejë këmi vënë zëmrën tonë, pasionin tonë dhe vendosmërinë tonë, prandaj me Roshin e Bushin sa jeni nuk keni parë asgjë akoma. Do t’ju sekuestrojme parate e vjedhura”.
