Sirianët, afganët dhe irakianët janë të parët në listën e vendeve që kanë kërkuar azil në shtetet e Bashkimit Evropian gjatë vitit 2016.
Agjencia evropiane e statistikave, Eurostat ka publikuar të dhënat mbi migrimin.
Interesant është fakt se sipas shteteve, shqiptarët janë të tretët që kanë kërkuar azil në Irlandë, ndërsa në Francë zënë vendin e parë, duke lënë pas afganët dhe sudanezët.
Në Francë kanë aplikuar për azil gjithsej 75 990 persona, 9% e të cilëve janë nga Shqipëria ose 6 850 persona.
Në Luksemburg shqiptarët janë të dytët, pas sirianëve, duke regjistruar 220 kërkesa.
Në Holandë, shqiptarët janë të tretët me 1 665, duke u renditur pas sirianëve dhe emigrantëve nga Eritrea, ndërsa në Islandë janë të dytët, me 230 kërkesa duke u renditur pas emigrantëve nga Maqedonia.
Në total, gjatë vitit 2016-të, kanë emigruar 28 925 shqiptarë, ose 2% në e totalit të emigrantëve në BE.
Shqipëria është e teta në listë, duke lënë pas Rusinë dhe vende të tjera, ndërsa në vend të parë janë sirianët, ku mbi 334 mijë emigrantë nga vendi i përfshirë në luftën më shumë se 5 vjeçare kanë shkuar në BE.
