Ashtu si një javë më parë edhe sot do të zhvillohen paralelisht seanca parlamentare në sallën e Kuvendit dhe mbledhja e grupit parlamentar në çadrën e protestës, ku PD thotë se është Parlamenti i qytetarëve.
PD ka vendosur të mos largohet deri nga protesta ose ndryshe sic e quajnë “çadra e lirisë” pa dorëheqjen e kryeministrit Edi Rama dhe garantimin e qeverisë teknike.
Vendimi është marrë në tryezën e koalicionit opozitar, ku është ritheksuar vendimi se vetëm një qeveri teknike që do të zbatojë plotësisht dekriminalizimin, dhe do të angazhohet në luftën ndaj drogës, krimit dhe parave të paligjshme kriminale, mund të garantojë kushtet për zgjedhje të lira.