Në Kurbin, një grua ka festuar 100 vjetorin e lindjes. E rrethuar nga dhjetëra nipër e mbesa, nënë Dila thotë se sekreti i jetëgjatësisë së saj është ushqimi i shëndetshëm dhe përdorimi i vajit të akrepit, në vend të medikamenteve mjekësore.
Dila Baçuku, e moshuara banore e Kurbinit, festoi 100 vjetorin e lindjes mes dhjetra nipërve e mbesave. Sekreti i jetëgjatësisë së saj është konsumimi i ushqimeve të shëndetshme bio, sidomos bulmeti që është i preferuari i saj.
100 vjeçarja kujton se gjatë jetës në mungesë të medikamenteve ka përdorur vaj akrepi, i përpunuar në mënyrë artizanale.
Dila Baçuku: Unë e kam mbaruar të mirën dhe të keqen pas kësaj dite sot, pushimet, nuk të linte njeri me qëndis se duhet të bëjë normën’.
Djali i 100 vjeçares rrëfen se nëna e tij ka qenë përherë shumë aktive, dhe e karakterizuar nga optimizmi ka përballuar çdo vështirësi.
Nëna Dila thotë se ndien lumturi, teksa nipërit e stërnipërit që e rrethojnë punojnë dhe jetojnë në Shqipëri, pa u larguar asnjëri jashtë vendit. Sot ajo ka 64 nipa e mbesa.
Ora News
