Vazhdon në ditën e saj të 20 protesta e opozitës në bulevardin “Dëshmorët e Kombit”, ndërsa kjo shënon edhe protestën më të gjatë në historinë e Shqipërisë.
Edhe sot si dy të enjtet e fundit, grupi parlament i Partisë Demokratike shkoi në sallën e Kuvendit, por u mblodh në “çadrën e lirisë”. Gjithashtu u zhvillua një bashkëbisedim për lirinë ekonomike, nga ku biznesmenë dhe investitorë të huaj ndanë eksperiencat e këqija me qeverinë Rama në këto 3 vite.
Basha ndërkohë ju drejtua tatimorëve duke i këshilluar të mos zbatojnë urdhërat e paligjshëm të Ramës e Ahmetajt sepse në të kundërt me Republikën e re do të gjenden pas hekurave.