Sot në ditën e 14 të protestës së PD në cadrën para Kryeministrisë po flitet për vjedhjen e votës, një temë kjo që është edhe kushti kryesor i opozitës për të cilën po protestojnë.
Në fjalën e tij kreu i PD me një ton të fortë përmëndi atë që ai e quan kushti i patjetërsueshëm: qeveria teknike.
Basha rikonfirmoi edhe njëherë përgjigjen e tij për thirrjen për dialog nga maxhoranca duke thënë se jemi pro dialogut por kushti dihet dhe nuk është i tjetërsueshëm, të formohet një qeveri teknike për zgjedhje të lira dhe të ndershme.
Fjalimi i Bashës:
Për herë të parë në historinë kombëtare shqiptarët janë bashkuar me një lëvizje të madhe për zgjedhje të lirë dhe të ndershme.
Forca u rrit dhe u forcua më shumë nga qëndresa juaj.
Mesazhi ynë është vendimi juaj, ai ka qënë dhe është largimi i kësaj qeverie. Një qeveri teknike për tu larguar nga krimi.
Ky është edhe një nga kushtet të cilat sot ne i ju jemi përgjigjur thirrjes për dialog nga mazhoranca.
Ta dëgjiojnë edhe një herë, mediat e qeverisë të cilat e keqinterpretuan përgjigjen sot: Jemi po dialogut por vetëm me formim të qeverisë teknike.
Qeveri teknike!
Ka marrë fund koha kur vidhe vota. Në Republikën e re jeni ju që vendosni për zgjedhje të lira dhe të ndershme.
Kërkojmë qeveri teknike dhe jo qeveri sipas qefit të këtyre që po ju dridhen leqet nga frika.