Prej dy ditësh aktorja e njohur Suela Konjari është vendosur në qendër të një sulmi nga mediat e sponsorizuara nga Edi Rama.
Ajo është akuzuar nga mediat dhe kërcënuar me mesazhe dhe për këtë arsye, Konjari u ka dhënë sot të gjithëve një përgjigje publike.
Ja çfarë thotë aktorja Suela Konjari:
Përshëndetje të gjithëve !
Unë jam Suela Konjari, aktorja që këto dy ditë jam vënë në qendër të sulmeve të padrejta, të pandershme, dashakeqe e të djallëzuara të disa artikujshkruesve e disa portaleve!
Ju them atyre: Ju mëshiroj
Unë jam Suela Konjari, aktorja, bija, nëna, motra, që këto dy ditë kërcënohem me sms e fyem nga njerëz struca e burracake! Ju them atyre: Nuk më frikësoni!
Unë frikën e vrava në 1990 kur teksa rrisja fëmijën brenda vetes isha në çdo protestë për rrëzimin e diktaturës më të egër Komuniste!
Të dashur bashkëkombës të mi kudo jetoni! Me lejoni t’ju përshëndes me përulësi, respekt e mirënjohje për duartrokitjet që më dhuroni në skenë e me një varg nga poeti i Kosovës Ali Podrimja t’ju tregoj pse jam në këtë protestë:
Toka ime digjet … në çdo cep të shpirtit tim!
