Anëtari i opozitës në Komisionin Parlamentar të Sigurisë Kombëtare, Asllan Dogjani, duke iu referuar lajmit se kreu i grupit parlamentar të LSI-së Petrit Vasili i ka kërkuar deputetëve dhe ministrave të kësaj force politike që të shmangin përdorimin e automjeteve të tyre këto ditë, deklaron se kemi të bëjmë me ngjarje tipike mafioze të përfaqësuesve të mazhorancës.
Deputeti i Partisë Demokratike, Dogjani shprehet se Partia Socialiste përmes segmenteve të policisë së shtetit po vepron si të ishte vetë mafia.
Reagimi i deputetit të PD-së Asllan Dogjani në facebook
Vasili, kryetari i grupit parlamentar te LSI u bëri thirrje deputetëve që të bëjnë kujdes, sepse segmente të caktuar në polici kanë marrë porosi që t’u fusin drogë deputetëve të LSI-së në makinat e tyre .
Nuk është gjë mafia, këta ia kanë kaluar dhe mafias……
Kur këta jua bëjnë deputetëve dhe ministrave të tyre imagjinojeni se sa të mbrojtur nga policia janë qytetarët e thjeshtë?