Një 62-vjeçar në zonën e Bathores në kryeqytet i ka dhënë fund jetës në rrethana misterioze, ndërsa ka lënë edhe një letër për familjarët.
Policia e Tiranës bën me dije se shtetasi Q. N., 62 vjeç është gjetur i vdekur rreth orës 07:00 të mëngjesit në banesën e tij.
Nga hetimet paraprake dyshohet se ky shtetas të ketë kryer vetëvrasje, pasi është gjetur dhe një letër që viktima i ka lënë familjarëve. Në krahë të trupit është gjetur një armë zjarri, çifte.
Grupi hetimor po punon për zbardhjen e plotë të rrethanave të këtij veprimi.
