Një zjarr i madh i shpërthyer në apartamentin e tre vajzave në katin e dytë të pallatit “Everest” në zonën e Astirit në Tiranë për pak ka rrezikuar jetën e gjithë banorëve, ndërsa njërës nga vajzat, i është dashur të kapërcejë nga ballkoni për t’i shpëtuar djegies.
Zjarri që ra në orët e mesnatës dyshohet të ketë ardhur si pasojë e harresës së një karikuesi telefoni në prizë.
Flakët dhe tymi ishin aq të mëdha sa në vendngjarje shkuan 4 makina zjarrfikëse, të cilët bënë edhe evakuimin e të gjithë banorëve të pallatit. Për t’ju ardhur në ndihmë banorëve në vendngjarje shkuan edhe dy ambulanca, si dhe forcat e policisë.
Bëhet me dije gjithashtu se vajza që kapërceu nga ballkoni i apartamentit të saj tek ai i fqinjëve, pati fraktura në këmbë dhe u dërgua për mjekim në QSUT.bw
