Një 37-vjeçar shqiptar është arrestuar nga policia italiane pasi u kap me drogë. Mediat italiane bëjnë të ditur se Lulzim Cakmashi ishte i papunë por kishte leje qëndrimi.
Në banesën e tij në zonën e Neretos në Abruzzo, karabinierët arritën të sekuestrojnë 40 gram kokainë. 37-vjeçari shqiptar e kishte ndarë drogën në doza dhe e kishte fshehur në një nga raftet e bodrumit të tij.
Cakmashit iu sekuestruan edhe një mjet për prerjen e drogës si dhe një peshore për substancën narkotike. Shqiptari tashmë është nën arrest shtëpie në pritje të gjyqit.
