Specialistët e Seksionit për Hetimin e Narkotikëve në Drejtorinë Vendore të Policisë Durrës, në vijim të punë së tyre për parandalimin dhe goditjen e prodhimit dhe shitjes së lëndëve narkotike, kanë arrestuar në flagrancë shtetasin:
- Fatjon Dushkaj 22 vjeç, banues në Durrës;
Arrestimi i tij u bë pasi më datë 04.12.2016, ka kanosur për motive të dobëta shtetasin E.D. 26 vjeç, banues në Durrës. Efektivet e Policisë në vijim të veprimeve hetimore ushtruan kontroll në banesën e shtetasit F.Dushkaj, ku u gjetën dhe sekuestruan në cilësinë e provave materiale:
- Një sasi e konsiderueshme lënde narkotike e dyshuar e llojit Cannabis Sattiva;
- një peshore elektronike;
- një grirëse metalike që shërben për grirjen e lëndës narkotike;
- një thikë dhe
- aparat telefoni celular.
Materialet I kaluan Prokurorisë së Rrethit Gjyqësor Durrës për veprime të mëtejshme për veprat penale’Kanosja” dhe”Prodhimi dhe shitja e narkotikëve” parashikuar në nenet 84 dhe 283/1 të Kodit Penal.
