Dy persona janë në kërkim nga policia e Durrësit për veprat penale “Vrasja me dashje” në bashkëpunim e mbetur në tentativë dhe “Prodhimi, mbajtja, blerja apo shitja pa leje e armëve të ftohta”, të konsumuara një ditë më parë.
Specialistët e Sektorit kundër Krimeve të Rënda në Drejtorinë Vendore të Policisë Durrës kanë bërë të mundur identifikimin dhe po punojnë për kapjen e: S.L. 21-vjeç, banues në Durrës; A.L. të datëlindjes 20-vjeç, banues në Durrës.
Rreth orës 18:50 të një dite më parë, në lagjen Nr.13 Durrës, pas një konflikt për motive të dobëta, kanë tentuar të vrasin me thikë duke e goditur në qafë dhe në kraharor 27-vjeçarin E.D., banues po në qytetin bregdetar, njofton policia.
Për pasojë, i dëmtuari ndodhet në Spitalin Rajonal Durrës, nën kujdesin e mjekëve.
Materialet për këtë rast i kaluan Prokurorisë së Rrethit Gjyqësor Durrës për veprime të mëtejshme.