Një 47-vejçar shqiptar është arrestuar në Itali nga policia e Brescias pasi u kap me 16 kilogramë marijuanë. Mediat italiane shkruajnë se shqiptari e kishte fshehur drogën në makinën e tij “Fiat” dhe ishte gati për të marrë rrugën për në Brescia.
Në momentin e arrestimit, 47-vjeçari, identiteti i të cilit nuk bëhet i ditur, ka paraqitur një dokument të rremë, duke mashtruar policinë italiane, por gjatë kontrollit të automjetit i është gjetur dhe sasia e drogës. Mësohet se droga ishte e ndarë në 10 pako dhe kapte vlerën e mbi 200 mijë eurove.
Policia italiane është duke hetuar në lidhje me këtë rast të trafikut të drogës, pasi i arrestuar kishte vetëm rolin e transportit të lëndës narkotike.
