Pas rreth 30 minuta, ish-kryeministri Sali Berisha është larguar nga komisioni hetimor parlamentar për ish-kompaninë çeke CEZ. Largimi i Berishës erdhi pas debateve të ashpra midis tij dhe kreut të komisionit, socialistit Taulant Balla.
Berisha erdhi në komision pas thirrjeve të njëpasnjëshme.
Balla: Zoti dëshmitar ta jap unë fjalën. Je një frikacak që ke frikë të përgjigjesh. Komisioni ka për detyrë të zbardhë të gjitha përgjegjësitë e tua, po u shmangesh përgjegjësive. Kjo është dosja hetimore. Qëndro, ulu. Harroje se mund të largohesh nga mbledhja, se mund ti fshihesh deponimit para këtij Komisioni Hetimor.Do shoqërohesh me forcë. Ulu dhe dëshmo ( Berisha kundërpërgjigjet nga vendi)
