Kryetari i Komisionit të Sigurisë, Spartak Braho i ka bërë një kërkesë Byrosë së Kuvendit për të marrë masë disiplinore dhe për të përjashtuar me 10 ditë deputetin e PD, Flamur Noka, pas debateve të sotme në Komisionin e Sigurisë.
Braho: Ju drejtohem me anë të kësaj kërkese me qëllim thirrjen dhe mbledhjen e Byrosë së Kuvendit për të marrë masa disiplinore në përputhje me nenin 65 pika 3 të Rregullores ndaj deputetit Flamur Noka, konkretisht ppërjashtimin e tij nga punimet e Kuvendit dhe mbledhjet e komisionit me 10 ditë.
Braho sqaron në kërkesën e tij, arsyet se pse duhet marrë ky vendim.
Braho: Deputeti në fjalë vazhdimisht përdori fjalë të pahijshme dhe ofenduese si “të dhj… mu në kryetar, qërohu etij” duke provokuar rrumujë dhe pengesë në zhvillimin e seancës, fyerje dhe kërcënime për anëtarët e Komisionit dhe ministrin e Punëve të Brendshme.
