Policia e Durrësit ka vënë në pranga një 26-vjeçar, i cili akuzohet se ka përndjekur në mënyrë të vazhdueshme, fizikisht dhe me anë të telefonit, një 20-vjeçare nga Sukthi.
Burime zyrtare nga policia bëjnë të ditur se i riu Ardit Cizmi është arrestuar, pasi dyshohet se ka përndjekur për një periudhë disa mujore shtetasen E.G..
NJOFTIMI I POLICISE:
Specialistët për Krimet në Komisariatin e Policisë Durrës, pas një pune hetimore intensive dhe të specializuar kanë bërë të mundur dokumentimin e plotë të një ngjarje, duke arrestuar në flagrancë autorin e saj, konkretisht shtetasin:
• Ardit Cizmi 26 vjeç,banues në Sukth.
Arrestimi i tij u bë pasi:
Cizmi, në mënyrë të vazhdueshme për një periudhë disa mujore ka përndjekur në ambiente të ndryshme dhe me anë të telefonit celular shtetasen E.G. 20 vjeçe, banuese në Sukth.