Policia e Shkodrës ka ekzekutuar urdhër ndalimet e lëshuara nga prokuroria për dy persona të cilët kanë lidhje me operacionin “Akciza” të një dite më parë ku u sekuestruan 5146 paketa ciagaresh, 101 pako duhani i grirë dhe 2000 llampa kontrabandë.
Të arrestuarit janë Ylli Rikaj, 44 vjeç, banues në Shkodër dhe Esad Kukaj, 48 vjeç, banues në Malësi të Madhe
Policia thotë se: Këta shtetas dyshohen si autorë të tjerë të implikuar në këtë veprimtari kriminale për veprën penale “Kontrabanda me mallra që paguhet akcizë” parashikuar nga neni 172 i Kodit Penal.
Një ditë më parë policia arrestoi 5 shtetas dhe 1 tjetër të shpallet në kërkim.
Vazhdojnë hetimet për zbardhjen dhe dokumentimin e plotë të kësaj veprimtarie të paligjshme dhe vënien para përgjegjësisë penale të autorëve të tjerë të dyshuar.
