Janë 11 makina elektrike, dhuruar Policisë së Shtetit, nga OSHEE-ja. Shefi i Policisë Rrugore të Tiranës, Ervin Hasrama, tregon mënyrën sesi këto makina funksionojnë gjatë patrullimeve në kryeqytet për gazetën “Shekulli”.
Ai thotë se në manualin e saj, makina elektrike mund të përshkojë 170 km dhe jo më tepër. “Brenda qytetit të Tiranës, makina elektrike është e aftë të bëjë ndjekjen e personave që thyejnë rregullat e policisë apo patrullën e policisë. Ndërsa jashtë Tiranës, këto makina nuk do të përdoren. Për 100 km, një makinë elektrike harxhon 12.7 kilovolt ose 150 lekë të reja”, shprehet Hasrama.
