22-vjeçari Mardit Mone i cili qëlloi me armë zjarri babanë e tij mbrëmjen e sotme në Durrës, pas një debati në banesë, rezulton me precedentë të mëparshëm penalë. Autori i plagosjes dhe vëllai i tij janë ndaluar edhe më herët për shitje të lëndëve narkotike. Mardit Mone është dënuar dy herë përkatësisht:
1. Në vitin 2011 ndaj tij është vendosur masa e sigurisë “Arrest me burg” për veprën penale “Prodhim dhe shitje të lëndëve narkotike”.
2. Me Vendimin Nr.910, datë 23.10.2014 Gjykata e Rrethit Gjyqësor Durrës e ka dënuar me 14 muaj burgim për veprën penale “Prodhim dhe mbajtje të lëndëve narkotike”. Ka dalë nga burgu në vitin 2015.
Gjithashtu edhe i vëllai i tij, shtetasi E.M, 32 vjeç, është dënuar nga Gjykata e Rrethit Gjyqësor Durrës me Vendimin Nr.585, datë 14.09.2011 me 4 vjet burg për veprën penale “Prodhim dhe shitje të lëndëve narkotike”.
Pas ngjarjes së ndodhur mbrëmjen e sotme në banesën e tyre në lagjen Nr.16, policia është vënë në kërkim të 22-vjeçarit.