Prej orës 11:00 ka nisur protesta marshim e organizuar nga Aleanca kundër Importit të Plehrave. Ata u nisën nga Parku Rinia dhe akualisht ndodhen para kryeministrisë.
Vetë kryeministri nuk ndodhet në kryeministri por në Xibrakë ku po mban Asamblenë Kombëtare të PS-së.
Protestuesit i kërkojnë Nishanit të mos dekretojë ligjin: Presim nga presidenti të mos e dekretojë ligjin. Kryeministri të dëgjojë sovranin. Ose referendum ose revoltë dhe po u ngritëm në revoltë do fshijmë plehrat e tyre
Ora 12: 18 Protestuesit para kryeministrise, Rama flet nga Xibraka
Ndërsa protesta para kryeministrisë vijon, nga Xibraka ku mbahet Asambleja Kombëtare kryeministri njëkohësisht kreu i PS-së mbrojti ligjin e importit të mbetjeve.
Edi Rama nga Xibraka: “Ligji i ri për mbjetjet riciklueshme është i domosdoshjmës dhe tërësisht konformon ambicieve tona për një Shqipëri të pastër. Do të ishte tradhëti nëse do të ktheheshim tek ligji i anuluar. Ai ligj sjell mbetje të importuara që mund të shkojnë për djegie”
Nderkohe protestuesi para kryeministrise : Referendumi është e drejta jonë që nuk mohohet. Kjo e drejtë e jonë nuk mund të mohohet. Riciklimi duhet të nisë me mbetjet tona. Nuk mund të vazhdojmë të varrosim mbetjet tona
Ora 11: 48 Protestuesit mbajne fjalen: JO JO
Protestuesit mbajnë fjalën para kryeministrisë. Një protestuese deklaroi: “Kjo protestë ka për qëllim që të na zgjojë kurajën qytetare që të mos mblidhemi më si militantë të forcave politike. Kjo është një e drejtë kushtetuese që e kanë keqpërdorur politikanët tanë. Ka ardhur koha që ne të veprojmë për të ardhmen e fëmijëve tanë. Ne jemi këtu jo për ndonjë luftë politike, nuk i shërbejmë asnjë partie politike. Ne jemi këtu për ta detyruar politikën shqiptare që të dëgjojë zërin dhe vullnetin e popullit”.
Ora 11: 29 Protestuesit marshuan drejt kryeministrisë
Ata kanë në duar kartona të kuq kundër ligjit të importit të mbetjeve ndërkohë në Xibrakë kryeministri Rama po mban fjalën në Asamblenë kombëtare të PS-së.
Ora 11:10 Nis grumbullimi i mbështetësve të protestës kundër importit të plehrave. Protesta në formë marshimi nisi nga Parku Rinia, krahu i Monomentit të Pavarsisë, për të mbërritur përpara Kryeministrisë, në bulevardin “Dëshmorët e Kombit” dhe është kërkuar leje deri në orën 14:00
Një protestues me megafon: “Nuk është organizim politik. Për të gjithë pjesëmarrësit simbolika e protestës është kartoni i kuq për ti thënë jo ligjit për importin e plehrave. Shqipëria nuk mund të jetë kosh mbeturinash. Jo plehra në Shqipëri”
Forcohen masat e sigurise
Policia merr masat për të siguruar mbarëvajtjen e protestës kundër importit të mbjetjeve të organizuar nga Aleanca Kundër Importit të Plehrave.
Protesta në formë marshimi do të nisë në orën 11:00 nga Parku Rinia, krahu i Monomentit të Pavarsisë, për të mbritur përpara Kryeministrisë, në bulevardin “Dëshmorët e Kombit” dhe është kërkuar leje deri në orën 14:00
Për të garantuar sigurinë policia thotë se ka angazhuar494 punonjës policie në total.
Në orën 10: 20 pranë kryesisë janë parë forcat e policisë dhe makina të policisë në gatishmëri për të ruajtur sigurinë.
30″Drejtoria Vendore e Policisë Tiranë garanton ruajtjen e rendit dhe sigurisë gjatë zhvillimin të marshim – protestë.
Për mbarëvajtjen sa me mirë e pa incidente të marshimit – protest është hartuar; Plani i Masave me detyra, duke marrë të gjitha masat për të garantuar zhvillimin normal.
Në total janë angazhuar, 494 punonjës policie.
