Sherret tek adoleshentet janë një “sëmundje” që kanë infektuar jo vetëm të rinjtë shqiptarë, pasi kudo në botë ndodhin të tilla raste, të cilat janë shtuar kohët e fundit. Por, ka një ndryshim, atje ka një revoltë të madhe shoqërore ndaj fenomeneve të tilla dhe iu kushtohet shumë hapësirë.
Në këtë video tregohet momenti kur një vajzë 13-vjeçare dhunohet nga shoqja e saj e klasës, ndërsa në të njëjtën kohë dëgjohen zërat e vajzave të tjera, të cilat inkurajojnë dhunuesen të vijojë rrahjen e 13-vjeçares.
Është një video brutale me shqelma dhe grushte. Dhuna ka ndodhur në një shkollë në Tamworth, Britani e Madhe. Brenda shumë pak kohe videoja është bërë virale ndërsa policia ka shkuar në vendngjarje.
Mamaja e vajzës së dhunuar ka reaguar mbi këtë rast, i cili nuk është i pari që ndodh në botë. “Këto gjëra nuk mund dhe nuk duhet të ndodhin më. Të gjitha ta shohin videon. Sidomos prindërit e fëmijëve. Këto raste mund të pasohen me drama më të rënda”, deklaron ajo.
