Kryetari i partisë Aleanca Kuqezi, Kreshnik Spahiu, po shfaqet së bashku me strukturat e lëvizjes politike që drejton shumë aktiv në zgjedhjet e pjesshme për kryetar bashkie në Qarkun e Dibrës.
Në disa statuse në FB, ai u ka bërë thirrje qytetarëve të kësaj bashkie të votojnë koalicionin që mbështet kandidatin e Partisë Demokratike, Shefredin Shehu.
Në fotot e postuara, Spahiu shfaqet në takime me qytetarët në këtë zonë, në mbështetje të kandidatit të koalicionit ku është përfshirë edhe partia që udhëheq.
“Qindra aktivistë, derë më derë për të fituar Bashkinë e Dibrës. AK + PD do të zbojnë kryebashkiakun kurvar dhe kryeministrin gomar. Kuqezi me plisa, t’i rrëzojmë këta pisa”, shkruan Kreshnik Spahiu, në kuadër të fushatës që po bëhet në Dibër.
