Shoqata e sipërmarrjes Italiane në Shqipëri, shpreh shqetësimin për klimën e rënduar të biznesit, që e vështirëson çdo ditë e më shumë aktivitetin. Në një deklaratë për shtyp kjo shoqatë citon disa nga arsyet kryesore për përkeqësimin e kësaj situate, midis të cilave Rritjen e taksave.
Deklarata e plotë
“Mjafton të marrim shembullin e taksës së tatim mbi fitimit e cila është rritur me 5% në krahasim me disa vite më parë dhe shume taksa të tjera që janë vazhdimisht në rritje. Taksimi progresiv ka penalizuar shumë kompani të huaja të cilat kanë transferuar kapitalin e tyre në Shqipëri, sigurisht të favorizuar nga sistemi i vjetër i taksave i cili krejt pa pritur ndryshoi dhe si rrjedhojë ndryshoi dhe ecurinë e shumë bizneseve të huaja por edhe atyre shqiptare. Shumë kompani ndaluan investimet madje disa janë terhequr plotësisht nga Shqipëria për të provuar destinacione të reja si Maqedonia apo Mali i Zi. Të gjitha këto detaje ndikojnë negativisht në ekonominë e vetë bizneseve por edhe në mënyrë të drejtëpërdrejtë në ekonominë shqiptare.
Si ndikon?
Është shumë e thjeshtë sepse rritja e taksave çon në mënyrë automatike në rritjen e çmimeve në të gjitha sektorët, përfshirë edhe ato më të rëndësishmet që ndikojnë në mënyrë direkte në ekonomine e biznesit, si psh : nafta dhe energjia.
-Mungesa e lehtësive
Për të hapur një biznes në Shqipëri është shumë e thjeshtë, por për të filluar aktivitetin në të bëhet gjithmonë edhe më e vështirë. Taksat nisin menjëherë në ditën që biznesi regjistrohet, ndërkohë biznesi e fillon punën me vonesë për shkak të mungesës së rrjetit elektrik ose për shumë faktorë të tjerë që nuk kanë të bëjnë në mënyrë direkte me vetë biznesin.
Tjetër problematikë e hasur së fundmi janë kontrollet e vazhdueshme, intensive dhe shpesh agresive të inspektoriateve të ndryshme nëpër biznese të cilët pengojnë ecurinë e biznesit sepse administrata u kushton vëmendje gjithmonë e më shumë kontrolleve dhe si rrjedhojë gjithmonë e më pak qëllimit të vetë biznesit.
Institucionet duhet të marrin parasysh që janë bizneset ato që krijojnë vende të reja pune, që janë pikërisht këto biznese që paguajne taksat dhe si rrjedhojë sot me shumë se kurrë janë bizneset që kanë nevojë për mbështetje dhe për rishikimin e sistemit të taksave për t’u rimëkembur sërish.
Bizneset kanë nevojë për përmirësime në aspektet e punës së specializuar të cilat bëjnë të rritet profesionalizmi, kanë nevojë të mos paguhen sigurime shoqërore gjatë fazës së trajnimit të personave ende të pa punësuar.
-Taksa të padrejta-kontrolle të padrejta
Sipas nesh, njëra prej taksave që vihet që në fillim të hapjes së biznesit dhe që është e padrejtë, është ajo e tatim mbi fitimit e cila aplikohet që në fillim dhe paguhet me këste mujore të cilat duhen paguar në rast të kundërt rezulton debitor. Si rrjedhojë nuk mund të marrësh vërtetimin që nuk je debitor ndaj shtetit, vërtetim ky që është shumë i rëndësishëm për burokracitë shqiptare dhe jo vetëm, edhe për financimet e kërkuara nëpër banka.
Duhet pasur parasysh fakti që në hapjen e një shoqërie është faza e investimeve dhe e start up-it dhe ka shumë pak mundësi që shoqëria të nisë me fitime të menjëhershme dhe si rrjedhojë taksa që nga vetë emri quhet tatim mbi fitimin sipas nesh duhet të fillojë të aplikohet pas aprovimit të bilancit vjetor të shoqërisë, nëse ky i fundit është pozitiv.
Veç të tjerave propozojmë një organizim të ri të kontrolleve që nis nga inspektoriatet e kontrollit të detajuar dhe gjeneral, keshtu që ti japim fund ketyre ece jakeve ( vajtje – ardhjeve ) të inspektorëve të cilet u marrin shumë kohe të çmuar zyrave administrative të vetë bizneseve.BW
