“Nuk do t’i lëmë brezat në pragun e frikës”. Akti sublim, dy familje nga Shkodra falin gjakun (VIDEO)

Të gabosh është njerëzore, të falësh është hyjnore! Në Shkodër dy familje të cilat prej vitesh ishin në hasmëri kanë shtrirë dorën e pajtimit. Familja Bregu dhe ajo Miruku kanë lënë pas plagët e vjetra, duke i dhënë fjalën njëra-tjetrës, se mes tyre nuk do ketë më gjakderdhje. Pas shumë negociatash nga Nikolle Shullani, misionar i paqes dhe pajtimit në Shkodër, gjaku është falur. Një gjest sublim ky, i cili duhet të shërbejë si sensibilizim për dhjetëra familje të tjera në qarkun e Shkodrës, që qëndrojnë të ngujuara prej dekadash dhe mbahen fort pas urrejtjes dhe dëshirës së errët të hakmarrjes.BW