Një punonjës i OSHEE-së ka mbetur i plagosur me thikë mbrëmjen e sotme, ndërsa më pas ka ndërruar jetë në spital.
Ngjarja e rëndë ka ndodhur në qytetin e Shkodër.
Burime nga policia kanë bërë të ditur se viktimë ka mbetur punonjësi Zamir Velaj, i cili është dërguar në spital.
Është identifikuar edhe autori i kësaj vrasje i cili është Martin Zefi, i vënë në pranga.
Mësohet se Velaj kishte shkuar për ti prerë energjinë elektrike, duke bërë që Zefi ta qëllonte disa herë me thikë.
Velaj ishte dërguar në spitalin e Shkodrës, ku mësohet se ka ndërruar jetë.