Një 24-vjeçar është arrestuar nga policia e Kukësit pasi akuzohet për vrasjen e një të riu mbrëmë në Kukës.
Mësohet se Ismail Alidini, banues në Orgjost ka goditur me thikë bashkëfshatarin e tij, duke e lënë fillimisht të plagosur.
Sipas informacioneve, fatkeqësisht 29-vjeçari Miraim Isa nuk i ka mbijetuar goditjes me thikë, duke ndërruar jetë në spitalin e Kukësit.
Shkak për ngjarjen e mbrëmshme, sipas policisë kanë qenë motivet e gjakmarrjes.
Ndërkaq, materialet i kaluan Prokurorisë së Rrethit Gjyqësor Kukës, për veprën penale “Vrasja me paramendim”.