Një aksident i rëndë në Modena të Italisë, i ka marrë jetën një shqiptari, shoferi kamioni. 54-vjeçari me banim në Piacenza vdiq menjëherë, pasi mbeti i mbërthyer në kabinë, pas përplasjes mes dy automjeteve në Autostradën e “Brennes”.
Mediat italiane kanë raportuar gjithashtu se një mjet i tretë është përfshirë në përplasje. Policia dhe zjarrëfikësja ka mbërritur menjëherë në vendngjarje.
Autostrada mes “Carpi dhe Campogalliano” mbetet e mbyllur për të lejuar policët të hetojnë dhe të zbardhin ngjarjen. Bllokimi ka formuar rradhë të gjata makinash në autostradë.
