Itali/ Ja kush është shqiptari që u kap me 82 kg drogë në Itali

Mediat italiane kanë publikuar emrin e emigrantit shqiptar që u kap me 82 kg marijuanë në qytetin e Varezes. Ai është Florian Kacaj 37 vjeç. Kacaj ishte pronar i një lokali në komunën Kastellanza. Ai jetonte prej vitesh në këtë zonë. Ishte martuar me një shtetase italiane, me të cilën ishte divorcuar pak kohë më parë. Lokalin ai dyshohet se e mbante vetëm për të kamulfluar aktivitetin e trafikut të drogës. Vlera e marijuanës përllogaritet në afro 1.5 milionë euro në treg.