Thonë se çudia më e madhe tre ditë zgjat, por kjo e Shukriut nuk ka ndërmend të ndalojë. Aleanca Kuq e Zi ka zhvilluar një protestë të pazakontë mëngjesin e sotëm, duke marrë shkas nga skandali seksual I ishkryebashkiakut të Peshkopisë, Shukri Xhelili.
Gratë kanë rrethuar zyrat e punës me të brendshme burrash si shenjë proteste ndaj skandalit të ashtuquajtur “Shukriu”. Gazetari Mariglen Mertiri ka publikuar foto nga protesta, ku duken duke hapur të brendshme të bardha.
Ato kanë deklaruar se qeveria punëson vetëm vajza e të bukura dhe se qeveritarët nuk shohin CV-në por kërkojnë seks. “Qeveria punëson vetëm vajza të bukura në administratë. Asnjë grua mbi 40 vjeç nuk punësohet nga CV-ja. Qeveritarët nuk lexojnë CV-në por kërkojnë seks. Të rrezojmë qeveritarët brekëgrisur dhe milioner. Vajzat shqiptare viktima të qeveritarëve”, kanë thënë ato, shkruan Panorama.
